Geavahat eambbo ruđa

Dán jágaš juovla-gávppašeapmi šaddá ođđa oláhus. Mii geavahat eambbo ruđaid go goassiige ovdal.

 

Rekordhøy julehandel
Foto: Bendiksby, Terje / SCANPIX

Juovla-gavppašeapmi lea hirbmasit lassánan máŋimuš jagiid, ja logut čájehit ahte dán jagaš juovla-gavppašeapmi šaddá ođđa oláhus. Maiddái Sámis vuhttet gávppit mo gávppašeapmi lea lassánan.

Gávppašat eambbo

 

 

Beaivválaš jođiheaddji G-sport buvddas Deanus, Stein Joks, muitala ahte diimmá rájes lea juovlagavppašeapmi lassánan olles 20 proseanttain.

Ollu lassánan dán jagi

Norgga gávpe ja service-ealáhusaid oaiveorganisašuvdna almmuhii ikte loguid mat duođaštit ahte mii geavahat eambbo ruđaid go goassiige ovdal. Organisašuvdna merošta ahte mii dušše juovlamánus geavahat 41,5 milliardda ruvnnu, ja dát lea 5 proseantta eambbo go diibmá.

Norggas leat erenoamažit elektron - ja valaštallan-reaiddut mat johtet buoremusat, 2005:a rájes lea gávppašeapmi lassánan 10 proseanttain.

Beaivválaš jođiheaddji G-sport buvddas Deanus, Stein Joks, jáhkká sivvan dása lea ahte olbmuin lea buoret ekonomálaš dilli.

Logut čájehit ahte ránnjáriikain lea juovla-gávppašeapmi lassánan. Suomas lea gávppašeapmi lassánan 7,5 proseanttain diimmá rájes.

Nuorggam muitala ahte maiddái sii vuvdet olu elektronihkká gálvvuid.