Geainnut gitta ja ráidovuodjimat

Neavrres dálkki geažil leat dál máŋggat geainnut gitta, ja ollu ráidovuodjimat Finnmárkkus. Máhkarávjjus Skárfvágis Davvenjárgii lea geaidnu gitta ja nu lea maid Čorgasis Fylkkageaidnu 264 mii vuolgá Nuorremuotkkis nuorttas vuotna ráigge. Muohtauđđasa geažil lea Láhpis Čoallemohki buohta geaidnu gitta. Várnjárggas lea ráidovuodjin várreguovlluid badjel Strommavutnii ja Bearalváhkái ja nu maiddái Báhcavutnii. Maiddái Čorgasis leat ráidovuodjimat geainnuin, mat vulget Nuorremuotkkis Gilevutnii ja Gáŋgaviikii.