NRK Meny

Geahččalan fillet mánáid

Hamna skuvlla olggobealde, Tromssa gávpogis, lea muhttin dahje muhttinat geahččalan fillet mánáid billii njálgáiguin. Lea nubbe beaivi go politiijat ožžot dieđu dákkár dáhpáhusa birra, dán guovllus, ja politiijat váldet duođas dáid dieđuid. Sii leat dál jearahallame vihtaniid. Romssa politiijaguovllu operašuvnnajođiheaddji, Lars Meland, dadjá ahte sii fertejit čohkket ja iskat dieđuid ovdalgo ohcagohtet biilla. Ievttá dáhpáhusa oktavuođas dihtet muitalit ahte dat geat vigge mánáiguin oažžut oktavuođa, vudje čáhppes SUV biillain.