Hopp til innhold

Geafes mánát lassánit

Mánáidlohku geafes bearrašiin Norggas lassána. Riikkarevišuvnna dieđuid mielde dahká almmolaš Norga unnán vai dát mánát beasaše searvat sosiála oktavuođaide. 2002 rájes 2012 rádjai lassánii lohku viđa proseanttas gávcci prosentii. Nu leat dál 78.000 máná Norggas geat orrot bearrašiin main lea unnán dienas.
Guorahallan čájeha ahte gielddat dihtet unnán dan birra geat dárbbašit veahki oažžut mánáid searvat doaimmaide ja makkár veahki sii dárbbašit.

Korte nyheter

  • Cengiz Al: Giitevaš go beasai lohkat Duohtavuođakommišuvnna raporttas

    Dáiddár Cengiz Al lea giitevaš go beasai Našunálateáhtera lávddis lohkat Duohtavuođa- ja soabahankommišuvnna raporttas mii almmuhuvvui geassemánu 1. beaivvi.

    Eambbo go 30 tiimma, birra jándora, lohke sihke dáiddárat, politihkkarat, ieš guđet ge ásahusaid ovddasteaddjit ja olbmot buot agiin dan eambbo go 700 siidosaš raportta jitnosit.

    Kvenateáhtera teáhterhoavda, Frank Jørstad, lei okta máŋgasis geasa gulai lágidit lohkama.

    – Sii atne dehálažžan gávdnat olbmuid miehtá riikka. Maiddái ahte majoritehtaálbmot galggai dovdat gullevašvuođa dása. Danne dárbbašedje dakkár olbmuid go Cengiz Al lohkat raportta.

    Cengiz Al
    Foto: Ida Emilie Lindseth / NRK
  • Deatnu dáhtošii eambbo dieđuid korrupšuvnnas

    Deanu gielda dáhtošii diehtit leat go eambbo olbmot čadnon korrupšuvdnii ja nu maid ruđalaččat sivalačča dasa go gielda lea massán badjel 20 miljon kruvnna.

    Diimmá geasi dubmejuvvuiga guovttis njealji ja viđa jagi giddagassii j máksit buhtadasa go leigga buijján alcceseaskka ruđa maid de leaba speallan eret.

    Gielddadirektevra Inger Eline Fjellgren dadjá iežaset hálidit geahčadit 2010 rájes logi jagi maŋás, oaidnin dihtii lea go vuođđu čužžehit ášši dás.

    Duorastaga galgá ovdagoddi mearridit čuovvolit go gielddadirektevrra árvalusa bidjat olggobeali olbmuid guorahallat ášši.

    Kommunedirektør Inger Eline Eriksen Fjellgren i Tana
    Foto: CHRISTIAN KRÅKENES / NRK
  • Jaffery galgá jođihit Stuorradikki barggu raporttain

    Lubna Jaffery Bargiidbellodagas galgá jođihit Stuorradikki barggu Duohtavuođa kommišuvnna raporttain.

    Jaffery lea Stuorradikki Dárkkistan- ja konstitušuvdnalávdegotti vuosttas nubbijođiheaddji.

    – Dan go ollu sámit, kvenat ja meahccesuopmelaččat eai beassan leat geat sii leat iežaset gielain ja eallinvugiin, de dovdá son stuorradiggepolitihkarin ahte dát lei áigojuvvon polithkka maid Stuorradiggi lei dohkkehan, dadjá son.

    Lubna Jaffery
    Foto: Magnus Ridola