Gáibida ođđa lága

– Jos Finnmárku ovttastahttojuvvoš eará Davvi-Norgga fylkkaiguin, de fertet vuos oažžut ođđa lága mii sihkkarastá ahte sámedikkis lea seamma hálddašanvuoigatvuohta go dál. Nu dat dadjá sámediggepresideanta Vibeke Larsen ABC nyheterii. FeFo stivrras lea nubbi bealli sámedikki ovddasteaddjit, ja dakkár ortnega dáhtošii Larsen olles Davvi-Norgii.