NRK Meny
Normal

Gáibida miljovnnaid Ruoŧa stáhtas

Dálmma čearru gáibida 17 miljovnna kruvnna Ruoŧa stáhtas go oaivvildit gillán go 1972 guohtunsoahpamuš loahpahuvvui.

Čájáhusgovva

Čájáhusgovva

Foto: Åserud, Lise / SCANPIX

Dálmma čearru oaivvilda massán guohtuneatnamiid Ruoŧas norgga beal sámiide, go guohtunsoahpamuš loahpahuvvui guhtta jagi áigge.

Juristtat veahkkin

Dálmmá čearru lea juo golbma jagi áigi dolvon stevdnema ja dál leat čearu juristtat válbmen buhttadusgáibádusa vahagiid ovttas maid čearru lea ožžon 2002;ii rájes, go 1972 boazoguohttunkonvenšuvdna loahpahuvvui.

Dálmmá čearu láhttu Lars Jovnna Allas dadjá ahte sis lea riekti lága bokte oaččut buhttadusa ja leat juo manga jagi gáibidan dan. Muhto stáhta ii mieđa dasa. Buhttádusa maid stáhtta justitiekanslera bokte áigo máksit lea ollu unnit go maid sii gáibidit ja de ii leat go lágastit, dadjá Lars Jovnna Allas TT ođasdoaimmahahki.

Massán Norggas eatnamiid

Dálmmá čearru čállá stevdnemis ahte čearru lea sierra konvenšuvnnaid ja soahpamusaid maid ruoŧa ja norgga stáhta leat dáhkan, oaivvildit manahan sin árbevirolas guovlluid norgga bealde eatnamiid. Sii maid lohket massán dehálaš guohtunguovlluid ruoŧas mat leat addon norgga beal boazodollui. Vejolasvuođat bargat bozodoaluin leat gáržžiduvvon ja čearru lea gierdan stuorra ekonomálaš vahága, dadjá Lars Jovnna Allas TT ođasdoaimmahahki.