NRK Meny

Gáibida buhtadasa

Norges kystfiskarlag gáibida buhtadasa go leat manahan guollebivdduid seismikkbáhčima geažil. Kystafiskarlag jođiheaddji Arne Pedersen dadjá ahte sii leat suorganan, go ohcandoaibma lea dakkár guovllus gos veajehat leat. Pedersen čujuha dasa go Nordlándda guollebivdit ožžo buhtadasa maŋŋel go guolit jávke seismikkbáhčama geažil. Son oaivvilda ahte dat seamma berre dahkkot Finnmárkkus maid. Dan čállá Finnmarken-áviisa.