Fylkkamánni cuiggoda Mátta-Várjjat gieldda sámegieloahpahusa

Finnmárkku fylkkamánni lea čalmmustahttán láhkkarihkkumiid Mátta-Várjaga gielddas sámegieloahpahusa hárrái.

Britt Erna Christensen

Britt Erna Christensen Sámi váhnenfierpmádagas lohká iežaset duhtavaš dainna go Finnmárkku fylkkamánni lea čađahan geahču.

Foto: Tarjei Abelsen / NRK

– Mátta-Várjaga skuvllain eai leat doarvái buori rutiinnat fállat sámegiela vuosttašgiellan, cuiggoda fylkkamánni.

Britt Erna Christensen

Britt Erna Christensen Sámi váhnenfierpmádagas lohká iežaset duhtavaš dainna go Finnmárkku fylkkamánni lea čađahan geahču.

Foto: Tarjei Abelsen / NRK

– Dát lea justa dat seammá maid sii vásihit, lohká Britt Erna Christensen Sámi váhnenfiermádagas Sør-Varanger avis bábiráviisii.

Christensen rámida dango Finnmárkku fylkkamánni lea čađahan geahču skuvllain.

– Mun lean hirbmat giitevaš, muhto livččii galgan čađahuvvot geahču buot skuvllain, ii dusse guovtti skuvllas, cuiggoda Christensen.

Fylkkamánni lea dárkileappot geahčadan sámegielfálaldaga Guvžájávrri skuvllas ja Hesseng máŋggageavahusguovddážis. Guktot skuvllat čuvgejit, ahte doppe sáhttá válljet sámegiela nubbegiellan ja goalmmátgiellan, muhto sis ii leat makkárge diehtu das ahte skuvllain sáhtášii sámegiela válljet maiddái vuosttašgiellan.