Fylkkagielda veahkeha gielddaid

Romssa fylkkagielda veahkeha gielddaid hutkat mo divodit kulturdáluid dálá geavahussii.

Anne Mette Sætra
Foto: Romssa fylkkagielda

Romssa fylkkagielda lea álggahan prošeavtta mainna áiggošii veahkehit fylkka gielddaid das mo divuhit ovddeš kulturdáluid dálá atnui. Fylkkagieldda prošeaktabargi muitala iežaset galledan buot gielddaid Romssa fylkkas.

Gielddain deaivvadedje gieldda njunnožiiguin ja eaktodáhtolaš servviiguin ja gulaskudde mo sii hálidivčče divuhit dahje hahkat dáluid gos lágidivčče iešguđet laganaš doaluid ja konsearttaid. Nu čilge Romssa fylkkagieldda "Rom for Kultur" prošeaktabargi Anne Mette Sætra.

Ruhtaveahkkeohcan moalkás hommá

Sætra lohká leat oalle moalkadin ja váttisin álggahit ođasmahttit boares kulturdáluid. Danne lea filkkagielda álggahan prošeavtta "Rom for kultur", veahkehan dihtii gielddaid, main eai dáidde leat nu olu resurssat, justa diesa ahte hutkat mo divuhit ja ruhtadit boares kulturdáluid.

Ođasmahttit eaktodáhtolaš servviid dáluid kulturdoaimmaide

Sætra lohká maid ahte muhtin gielddain leat eaktodáhtolaš servviin dálut maid sáhtašii geavahit kulturdoaimmaide. Dáid dáluid sáhtašii divuhit nu ahte jietna ja čuovga rusttegiidda livččii buoret sadji. Filkkagieldda prošeavttain "Rom for kultur" geahčadit mo dáid dáluid livččii vejolaš geavahit ovttas.

Divodemiide lea vejolaš oažžut ruhtadoarjagiid.

Korte nyheter

  • Olgoritministtarčoahkkin Romssas

    Norga lágida dán čavčča Barentsráđi olgoritministariid čoahkkima. Čoahkkin dollo Romssas 26.10, čuvge olgoritdepartemeanta. Lahttoriikkaid Danmárkku, Islándda, Suoma, Ruoŧa ja Ruošša olgoritministarat leat bovdejuvvon čoahkkimii ja dasa lassin EU olgorithoavda.

    brende titov
    Foto: Bjørnbakk, Jan-Morten / NTB scanpix
  • Ii jáhke ruoššaluosa nu vahágin

    Dutki Rune Muladal eahpida ahte ruoššaluošša livččii nu stuorra áittan eamilussii. Son lea čuvvon dán guokte luossanáli gođđamiid ja oaidná ahte eai gođa oktanagas. Eamiluossa gođđá mánu maŋŋá go ruoššaluossa lea jo geargan gođđamis. Dasa lassin gođđá eamiluossa čiekŋalat čáhcái go ruoššaluossa mii gođđá gáddeguoraide.

    Rune Muladal ved bredden av en elv
    Foto: Nils John Porsanger / NRK
  • Deanus almmái gávdnon dearvan

    Almmái guhte lei dieđihuvvon láhppon Deanu šaldis, lea gávdnon dearvan, dieđihit politiijat twitteris. Duorastaga ovdalgaskabeaivvi ohcagohte sullii 70-jahkásaš albmá guhte lei báhtaran muhtin institušuvnnas. Almmái gávdnui dalá maŋŋá go politiiját twitteris dieđihedje su jávkan.

    polititwitter
    Foto: Skjermdump fra twitter 23.9.21