Fuossko sámebiejvijt duodaj válldá

Fylkaráde la Fuosko suohkanij juollodam 150.000 kråvnå sáme biejvijt ásadittjat boahtte jage. Fuosko suohkan la má soames jage juo sáme biejvijt ja sáme álmmukbiejvev mierkkim. Sáme biejve Fuoskon fálli moattelágásj prográmmav moatten biejve badjel sáme álmmukbiejve gáktuj. – Ájnas oasse la sáme kultuvrra ja sáme giella tjalmostahteduvvá, ja aj sáme dejvadallambájke ásadalladuvvi. Duodden la aj ájnas álmmuk oadtju ienep diedojt sáme gielaj ja kultuvra birra, tjállá kultuvra, birás ja álmmukvarresvuoda fylkaráde dán mærrádusán. Gålå dán prosjæktaj la bielle millijåvnå kråvnå gånnå de suohkana oasse l 150.000 kråvnå, diedet Saltenposten.