Fuomášuhttá veahkaválddálašvuođa
Dearvvašvuođasuorggis ja eiseválddit fertejit čeahpibun šaddat eastadit veahkaválddálašvuođa sámi servodagas, ja ráđđehus berre álggahit doaibmaplána lagašvuođa veahkaválddálašvuođa vuostá. Dan čállá dásseárvo- ja vealahanáittardeaddji Hanne Bjurstrøm otná VG:s. Son cealká ahte ovddeš dáruiduhttinpolitihkka lea sivalaš dasa ahte máŋgga sápmelačča eai odne ge luohte almmolaš eiseválddiide, go lea sáhka mieđihit ahte olmmoš gillá veahkaválddálašvuođain.