FHI får frist for vaksineberedskap
Helse- og omsorgsdepartementet har gitt Folkehelseinstituttet (FHI) frist til 1. desember for å organisere vaksinasjon og få på plass riktig utstyr, skriver VG.
Korte nyheter
-
Álttás buollán guovtti sajis
Gakoris Álttás lea buollán guovtti sajis dál árra iđit. Nuppi buollima leat nagodan čáskkadit, muhto dan nuppi báikkis leat ain geahččaleamen čáskkadit buollima. Doppe lea viessu mii lea buollimin. Sulii diibmu 0430 ožžo heahteetáhtat dieđu buollimis Gakoris ja njuolga maŋŋel fuomášedje buollinčáskkadeaddjit, ahte moadde čuohte mehtera geahčen lea maid buollámin.
Ii oktage leat roasmmehuvvan dáid buollimiin, dan dieđiha Finnmárkku politiijaguovllu John Kåre Olsen. Dán ija lea buollán guovtti sierra sajis Gakori ássanguovllus, biilastálla ja viessu. Buollinčáskkadeaddjit leat iskkamin časkkadit dan viessobuollima. Steinar Aas Finnmárkku politiijaguovllus váruha ahte soaitá muhtin jođašit dien guovllus cahkkeheamen buollimiid ja bivdá olbmuid leat áicilat. – Guovtti sierra sajis ja nie lahkalaga buollá, dat orru ártet, dadjá Aas Andersen.
-
Evttoha nuvttá mánáidgárddi
Ráđđehus evttoha ahte buot mánáidgárddit Davvi-Romssas ja Finnmárkkus livčče nuvttá. Dat boahtá ovdan stáhtabušeahtas mii otne almmuhuvvo ja dan duođaštit máŋga gáldu Nrk:i. Ráđđehus háliida maid buoredit studeantaloana geahpedanortnega. Evttohusaid duogážin lea geasuhit olbmuid ássat Davvi-Romssas ja Finnmárkkus ja bissehit olmmošlogu njiedjamis.
Foto: Vefsn kommune -
Reagere go geahpedit girdimiid davvin
NHO Arktis oaivvilda ahte lea duođalaš go girdifitnodaga dieđihit ahte áigot geahpedit girdiruvttofálaldagas dálvet, ja oaivvilda ahte justte dat čuohcá Davvi-Norgga ealáhussii. Widerøe ja Flyr leaba dieđihan ahte soai geahpedeaba girdiruvttofálaldaga davvin. NHO Artkis guovlludirektevra, Sigrid Ina Simonsen, ballá ahte ealáhusa mátkkoštangolut lassánit, ja son vuordá ahte stádabušeahtas, maid otne ovdanbuktet, lea veahkki dán váttisvuhtii.
Foto: Synnøve Sundby Fallmyr / NRK
