NRK Meny

Fertejit bálkestit bierggu

Bivdit ja njuovahagat fertejit čuohpat eret 200 tonna bierggu fuođđoeallis maid báhčet meahcis. Sivvan dása lea go Biebmobearráigeahčču rievdadii njuolggadusaid borgemánus, vai olbmo biepmuide ii leava ladju. Sii gáibidit ahte njuovvit čuhppet eret bierggu luođđaráiggi bokte ja vel logi centimehtera birra dan bierggus mii lea láhka varson bierggu. Justte dál lea ealgabivdu Oarje-Finnmárkkus, ja eará guovlluin Finnmárkkus álgá bivdu sotnabeaivvi čakčamánu 25. beaivvi.