Fertejit árvalit maid áigot bargat

Davvi dearvvašvuohta ferte moatti beaivvis árvalit maid áigot bargat go lea moivi ambulánsagirdi fálaldagas Davvi-Norggas. Nu dadjá dearvvašvuođaministtar Bent Høie. – Sii eai sáhte dohkkehit boahtteáiggis dan dili, mii lea leamašan daid maŋemus beivviid, dadjá Høie. Mannan vahkkoloahpa eai girdán galle ambulánsagirdi go váilo bargit.