Leavnnja čoahkkebáikki guovddážis leat ráhkkaneamen gaikkodit dan boares Coop gávppi masa gal soapmásat Leavnnjas eai liiko. Finnmárkku opmodaga (FeFo) direktevra Jan Olli gal illuda go dat han addá sidjiide stuorát ja ođđa visti.
Coop gávpi lei servvodaga deaivvadanbáiki
Leavnnja/Lavttejoga Samvirkelaga plánenbarggut álggahuvvojedje 1947:s ja vuosttaš oassi dán gávppis gárvánii 1958:s. Leavdnjalaš Ottar Lindløkken lohká leat váivi go oaidná ahte leat ráhkkaneamen gaikkodit ovddeš Leavnnja Coop gávppi. Gávpi han lea doaibman dego servvodaga deaivvadanbáikin Leavnnja gilážis lohká son. Doppe deaivvadedje olbmot ja jagiid miel leat ollu dehálaš áššit čovdon ovddeš Coop gávppi kafeas. Go juo ná loahpas geavai ahte ovddeš Coop gávpi fargga jávká Leavnnja čoahkkebáikki gjuovddážis de lea buorre ahte lea Finnmárkku opmodat (FeFo) mii dan saddjái boahtá lohká Leavdnjalaš Ottar Lindløkken gii muitá gávppi das rájes go mánnán doppe dávjá lávii oastit karamellaid.