NRK Meny

Eriksen presideantaevttohas

Kárášjohkalaš Inger Eline Eriksen válljejuvvui ovttajienalaččat Árjja bellodaga presideantaevttohassan boahtte jagi sámediggeválggaide. Dat dáhpáhuvai liigejahkečoahkkimis Kárášjogas lávvordaga. Laila Susanne Vars, gii lea jođihan bellodaga 2008 rájes, ii searvva šat válggaide. Árjja bellodagas leat odne njealje áirasa Sámedikkis.