Hopp til innhold

Sámi ovddasteaddji Liet Lávlut 2008

Beassášlávvordaga searvvai vuohččan Sámi Grand Prix lávlungilvui, ja vuittii vel. Ja nu beasai ge Kárášjotnieida Elin Kåven ovddastit Sámi unnitgielaid lávlungilvvus Liet Lávlut.

Elin Kåven, Kulturens Hus - Luleå
Foto: Wenche Marie Hætta / NRK

Geahča dahje guldal jearahallama Elin Kåveniin ovdal dán jagáš Liet Lávlut gilvvuid, Lulejus Ruoŧas:

Elin Kåven portreahtta

Elin Kåven eallima birra

Lávlu ja čoavjedánsu

Kárášjohkalaš Elin Kåven fárrii eret ruovttugilis nuorra nieidan juo. Skuvlavázzin doalvvui su Trøndeláhkii, ja maŋŋil fárrii ges Osloi. Doppe son lea ge bádden iežas vuosttaš olles cd, mii galgá fargga almmuhuvvot. Dasa lea bidjan nama "Jikŋon musihkka". Ovdalaččas lea son almmuhan EP, mas lei namma "Lahka".

Elin Kåven lea várra áidna sámi artista gii lávllodettin čoavjedánsu. Dán dáiddu son fuomášii mánnán juo, muhto manne máŋga jagi ovdal go duostai searvat kursii oahppan dihte juste dán dánsunmálle. Ja dát lea ge šaddan su dovdomearkan.

Movttet, muhto veahá balus

Elin Kåven Liet Lávlut finálas
Foto: Wenche Marie Hætta / NRK

Golggotmánu 18. beaivvi searvvai Elin Kåven Liet Lávlut gilvui, sámi ovddasteaddjin lávlagiin "Áibbas jaska". Sihke jietnageahččalemiin ja váldogeahččaleamis logai iežas leat veahá balus. - Muhto nu guhkká go jietna ii leat nohkan, de lea buorre, leaikkastalai ieš.

Vuoitodovdu ii lean dán háve seammaládje go lei Sámi Grand Prixas, logai Elin Kåven ovdal finála Lulejus. Ja dán háve ii šaddan vuoitu Sápmái. Lei Korsihkalaš Jocques Culioli gii vuittii lávlagiin "Hosianna in excelsis".

-Beare in dál leat beahttán olles Sámi, bohkosii Elin ieš maŋŋel go lei čielgan ahte son šattai nubbin dán jagáš Liet Lávlut gilvvus.

Sápmi lea oainnát vuoitán dáid gilvvuid golmma geardde maŋŋálaga, ja leat ge Transjoik, Niko Valkeapää ja Johan Kitti/Elle Sara Bæhr geat leat vuoitán Sámi ovddas.

Korte nyheter

  • Operasjon Dagsverk til Guatemala

    Årets Operasjon Dagsverk er tildelt Utviklingsfondet som skal støtte urfolksungdom i Guatemala. Målet er å bekjempe sult gjennom klimatilpasning.

    Det er elever i hele Norge som har stemt fram hvilket prosjekt de mener bør få støtte, skriver OD og Utviklingsfondet i en pressemelding.

  • Ohcet Sámedikkis lassidoarjaga ođasmahttimii

    Sámegielbláđi Nuorttanaste jođiheaddjit leat gieskat deaivvadan sámediggeráđiin háleštan dihte bláđi ođasmahttináigumušaid birra.

    – Mii leat digitaliseremen bláđi buvttadeami vai sáhttit bargat seamma lávddiin main mediaásahusat muđuid barget, lohká Nuorttanaste redaktevra, Anne Randi Solbakken.

    Ii leat vuos sáhka dihto ruhtasupmis. Sii leat vuos ožžon dieđuid ortnegiid birra gos sáhttet ohcat lassiruhtadeami maid dárbbašit dása, čilge son.

    – Nuorttanaste ferte ođasmahttit teknologiija vai beassat earret eará podcasta ráhkadit ja ovdamearkka dihte báddet ja buvttadit sálmmaid, lohká Solbakken.

    Sin mihttomearri livčče maid nannet neahttasiiddu, gos olbmot besset lohkat kulturáššiid, giellaáššiid ja dovdduid ja čiekŋalat sámi áššiid birra.

    Nuorttanaste lea maid álgán girjjálašvuođa árvvoštallamiin. Sii árvvoštallet sihke mánáid-, nuoraid ja rávisolbmuid girjjiid, muitala Solbakken.

    Anne Randi Solbakken
    Foto: Monica Falao Pettersen / NRK
  • Erke lea ohcan gielddadirektevravirggi

    Guđas dáhtošedje bargat gielddadirektevran Deanus.

    Okta dain lea Guovddášbellodaga sámediggejoavkku parlamentáralaš jođiheaddji Elisabeth Erke. Son lea maid Deanu musea jođiheaddji.

    Rune Seim, guhte dál doaibmá gielddadirektevran, lea maid ohcan virggi.

    Ávisa ifinnmark dat lea almmuhan ohcciid listtu (dárbbašat čoavddasáni).

    Deanu ovddeš gielddadirektevra, Inger Eline Fjellgren Eriksen heittii 2023:s.

    Elisabeth Erke
    Foto: Dan Robert Larsen / NRK