El-fápmolinjjá huksenbarggut álggahuvvojit

Duorastaga searvá earret eará ráđđehusa Oljo- ja energiijaministtar, Tord Lien, virggálaš álggahanriemuide Rátkeguolbanis Álttás.

Elfápmolinjjá guoská man nu ládje oktiibuot badjel 30 boazoorohagaide, ja dain leat leamašan máŋggat mearkkašumit ja rievdadanevttohusat, ja buot daid evttohusaid ja mearkkašumiid sii leat dárkilit árvvoštallan, dadjá Statnett gulahallanhoavda, Berit Erdal NRK Sápmái.

Orohagat hilgon plána

Erdal muitala ahte 30 orohagaid gaskkas leat 5 orohaga mat leat hilgon plánaid, ja sii dál vurdet vástádusaid movt dieid guovlluin galget doaimmahit barggu. Erdal muitala ahte vaikko orohagat leat hilgon plánaid, de ii leat mearriduvvon dahje dohkkehuvvon ahte huksenbarggut galget bissehuvvot daid guovlluin.

• Gulal Bert Erdal vástádusaid dárogilli dás:

Ii loga gullan maidege

Lákkonjárgga orohatovdaolmmoš, Hans Ole Eira, gal ii loga obage gullan ahte Statnett dál áigu álggahit huksenbargguid. Son dadjá orohaga bearjadaga leamašan gulahallančoahkkimis Oljo- ja energiijadepartemeanttain, gos sii besse ovdanbuktit boazodoalu beliid. Eira lohka imaštit movt Statnett sáhttet álggahit huksenbargguid ovdalgo buot čuolbmabealit leat čielggaduvvon ja čorgejuvvon.

• Guldal Hans Ole Eira vástádusaid dás:

Hans Ole Eira dadjá ahte sii leat šiehttan ahte ovdalgo huksenbarggut sáhttet álggahuvvot, de galgá Statnett gulahallat buot orohagaiguin, ja gádvnat geahpidandoaimmaid vai váikkuhusat linjahuksemis boazodollui geahpiduvvojit. Dan Statnett i leat vel dahkan, dadjá Hans Ole Eira.

Konsešuvdnaeavttut eai čielggaduvvon

Lákkonjárgga orohatovdaolmmoš, Hans Ole Eira gal ii mieđit ahte Statnett sáhttá álggahit huksenbargguid, ja dadjá ahte sin dulkojumi mielde de eai leat buot konsešuvdnalobit čielggaduvvon