NRK Meny

Eai vihat seamma sohkabeali páraid

Badjelaš 200 Norgga girku báhpa biehttalit vihahit seamma sohkabeali páraid. Guovdageainnu suohkanbáhppa Bjarne Gustad lea daid gaskkas geat leat vuolláičállán proteastačállosa. Duorastaga dat Girkočoahkkin mearridii ahte buohkat geat háliidit náitalit girkus, galget beassat dan dahkat. Vuostálastit gáibidit dál Bismmačoahkkima, Girkoráđi ja Girkočoahkkima vuđolabbot guorahallat ášši ovdal go ođđa vihahanliturgiija mearriduvvo.