Eai geargga galbet
Gáivuona suohkan lea badjelaš 20 jagi leamaš sámegiela hálddašanguovllus, muhto dušše okta báikenammagalba sámegillii lea ilbman. Ránnjá suohkan, Omasvuona suohkan ii leat sámegiela giellahálddašanguovllus, muhto bargagohte báikenamaiguin dalle go álge oččodit suohkana nama golmma gillii 2010:s. Dál leat buot ovcci báikenama, mat leat luoddaguoras Omasvuonas, dohkkehuvvon lassin suohkana nammii. Sis leat njeallje báikenama juo ilbman golmma gillii. Gáivuona giella- ja kulturkonsuleanta Inger Marie Åsli šálloša go eai leat ollen guhkkelii, ja dát bargu ii leat sin bealis vuoruhuvvon.