Earret eará dárbbašit sámit sihke Oslos ja muđuid Norggas buoret sámegiel oahppofálaldaga lohká Sámeálbmotbellodaga njunuševttohas sámediggeválggaide mátta-Norggas, Ann Finbog.
Osloi fárrejit dađistaga eanet sámit ja oaivegávpogis julošii maid fargga smiehttagoahtit ásahit vel nuppi sámi mánáidgárddi ja dieđusge nannet sámegielaoahpahusa mii dássážii ii leat leamaš doarvái buorre buohkaide lohkán Ann Finbog guhte lea sámeálbmotbellodaga njunuševttohas mátta norgga válgabiires.
Divrras OG doalut
Earret olgešbellodaga njunuševttohasa Rita Leinan
guhte ii loga bellodaga njunuš dásis vel mearridan áššis, de leat buot eará sámediggeválgalista njunnošat dán máddeleamos válgabiires čielgasit vástidan Nrk Sámi gulaskuddamis.
Sii eai dáhtošii dálveolympiagilvvuid Osloi. Vaikko listtaid njunnošat eai buohkat ása Oslos , de leat stuorra oassi sin jienasteddjiin Oslo gielddas.
Seammás go Oslosámit ja eará ássit norgga oaivegávpogis jienastit Stuorradikke ja Sámedikkeválgii de besset sii maid jienasteame bokte rávvet Oslo gieldda ja ráđđehusa dáid gilvvuid hárrái. Oslo gielda navdá dálveolympiagilvvuid máksit gaskal 21 ja 23 millijárdda kruvnnu. Stuorra oasi dás gártá norgga stáhta máksit.
– Davvi Norggas ii seamma árvu go Oslos
Sámedigge evttohasat mátta-Norggas maid lohket leat dehálat vuoruhit buot guovlluide Norggas buorre valáštallanviesuid ja šiljuid mánáid ja nuoraide , ja oaivegávpogis maid lohket olu servvodatbálvalusaid fertet vuos buoridit ovdalgo nie stuorra ruhtasupmi geavahit máilmme divrras valáštallanfestii.
Sámedigge evttohasat maid lohket leat unohassan dan go Osloi bahkkehit divrasat OG doaluid go dan maid seamma valáštallan njunnošat eai fuollan Romsii dušše moadde jagi dassái. Orru dego vuhttomin ahte Davvi Norggas ii leat seamma árvu go Oslos go eai udnon Romsii doaluid lohká Finbog.
Rávven jienastit OG vuostá
Ovdalis lea bargiidbellodaga sámediggepresideantaevttohas,Vibeke Larsen, rávven Oslosámiid jienastit dálveolympiagilvvuid vuostá.
Guldal olles ášši: