NRK Meny
Normal

Eai vuos dieđe áigot go deaivvadit Lamain

Tibehta vuoiŋŋalaš jođiheaddji boahtá Norgii miessemánus, muhto lea ain eahpesihkarvuohta áigot go Norgga ráđđehuspolitihkkárat deaivvadit suinna.

Dalai Lama
Foto: ANGELA WEISS / Afp

Miessemánu čihččedis gitta logadii lea Tibehta vuoiŋŋalaš jođiheaddji, Dalai Lama Norggas. Muhto Norgga ráđđehus politihkkárat eai áiggo deaivat su almmolaččat, go ballet billistit oktavuođa Kiinnáin.

Norgga ráđđehus politihkkárat oaivvildit baicca ahte Dalai Lama oččošii boahttit guossái Stuoradiggái, muhto de ii sáhte váldouvssa geavahit.

Ole Henrik Magga
Foto: Eilif Aslaksen / NRK

Ovddeš sámediggepresideanta Ole Henrik Magga gal oaivvilda ahte lea lihka biehttalit Dalai Lama boahtimis, dan sadjái go hehppehit su peršuvnnalaččat.

– Sii leat eahpegudnejahttime Dalai Lama penšuvnna ja dán ášši maid son ovddasta. Nu ahte dát gal lea juo nu unohas go sáhttá, ja mun gal beanta heahpanan leat norgalažžan dan dilis, lohka Ole Henrik Magga.

Loahpalaš mearrádus ii leat váldon

Olgoriikaministtar Børge Brende, logai ivttá Stuoradikki gažadanbottus ahte loahpalaš mearrádus ii leat vel váldon áššis, ja ahte Norga ii leat hupman Kiinnáin politihkalaš dásis njealji jahkái.

– Áigumuš livčče ahte Norga gálggašii buoridit riikkaidgaskasaš gávppašeami Kiinnáin. Dat lea leamaš unnán gulahallan maŋemus jagiid. Norga ii leat humadan Kiinnáin politihkalaš dásis 2010 rájes, lohká Børge Brende.

Jus Norgga ráđđehus váldá Dalai Lama guossái, de lea vuordimis ahte gulahallan Kiinnáin hedjona eambbo ja ahte vejolašvuođat gávppášit maid hedjonit.

Guldal ášši:

Eai aiggo deaivat Dalai Lama