Eai bala Pride-reakšuvnnain
Sápmi Pride-lágideaddjit eai bala gal – muhto dadjet leat ráhkkanan báikkálaš olbmuid reakšuvnnaide, go Guovdageainnus lágiduvvo dán jagáš Sápmi Pride borgemánu loahpas. Dát bođii ovdan Oslo sámeviesus ikte, gos lágideaddjit deaivvadedje. Lágideaddjit sirde Guovdageidnui dán jagáš lágideami, go báikki searvegodderáđđi ii divtte vihahit homofiillaid ja lesbaid. Pride-nammasaš festiválat leat nu go gohčoduvvon bonjuolbmuid várás, geat earret eará leat homofiillat ja lesbalaš olbmot.