NRK Meny

Dorvoohcci jávkan

Skuvvanvári álgovuostáváldinbáikkis, Porsáŋggus, gos orrot 80 dorvoohcci, ii leat leamaš vahkkui mobiilaoládat. Dan geažil eai leat beassan dieđihit politiijaide ahte muhtun dorvoohcci lea jávkan.

Telenor dieđiha ahte oládat-váttisvuođat leat go sis ii doaimma stašuvdna, mii lea vári buohta Skuvvanváris, nu čállá Nordlys -áviisa.

Oarje-Finnmárkku operašuvdnaguovddáš dadjá NRK:i ahte nissonolmmoš gii lea jávkan, ii leat vel gávdnon.