NRK Meny
Normal

ízü filbme DU!

Ízü filbme du ja du olbmáid TV:ii dan geasi!

Åse Kathrin
Foto: Govven: Sara Ellen Anne Eira / NRK

Dal lea geassi ja čáppa dálki, na goit muhtin báikin. Guollebivdin áigi, miessemearkun áigi ja láddjenáigi, buot diet áiggit leat dakkárat maid olbmot vásihit dal geasset. Muhto geassi lea maid festivála áigi! Ja ízü áigu ge maid fitnat festiválain dan geasi, ja doppe mis lea dehálaš earán!

Ízü TV

Muhtomin čakčat oidnogoahtá Ízü tv’s, justte fal TV’s! Dan oktavuođas áigu Ízü addit dutnje vejolašvuođa oidnot TV:s. It dárbbaš leat beakkálmas beassat TV:ii, áidna maid fertet bargat lea leat doppe gos Ízü TV filbmejeaddji lea! Don čohkkedat kamera ovdabeallái ja son filbme du!

Olmmái gii filbmejuvvo!

Bártni gii filbmejuvvo Skiippagurra festiválas 2008!

Foto: Govven: Sara Ellen Anne Eira / NRK

Váikko maid

Kamera ovddabealde sáhtát don dahkat justte dan maid ieš háliidat. Cealkit dearvvuođaid iežat eadnái, muitalit muitalusa, lávlut dahje dušše geahččat njuolga kamerii. Leat dušše don ieš, ja du hutkáivuohta mii mearrida maid don dagat! Mađi eambbo hutkái don leat, dađi buoret vejolašvuohta lea dus boahtit TV:ii! Somá lea, jus don ge oaččut soames TV geahčči bohkosit!

Gos? Goas?

Ízü TV filbmejeaddjit leat juo leamašan filbmemin Skiippagurra festiválas, muhto ále bala. Eará ge festiválain sámis fitnet sii dan geasi. Sin gávnnat don Riddu Riđđu festiválas ja Márkomeanu festiválas! Nu ahte de ii leat go bijadit dohko, čájehan dihte iežat Ízü filbmejeaddjái!

DU lusa?

Galggašii go Ízü fitnat du skuvllas filbmemin? Dahje du spábbačiekčanjoavkku? Dahje gosa? Leat go dus evttohusat gosa heivešii Ízü TV:ii boahtit filbmet du ja eará nuoraid de cavgilaste áinnas eboasta bokte ízü:ii: izu(a)nrk.no