Robert Greiner lea čállán girjji «Nordnorske vinnerskaller - slik tok de verden». Son deattuha ahte ii leat boastut dat maid Disney bargá, muhto son jearrá ahte eaigot sámit hutkat vugiid mo diinet Frozen filmma olis.
Greiner dadjá ahte dál lea vejolaš oastit Frozen filmma vásáhusa, ja dat máksá 177.000 ruvnnu guovtti ollesolbmui ja guovtti mánnái. Son dadjá maid ahte olgoriikkas sáhttá diŋgot Frozen filmma vávváid ja biktasiid, ja de jearrá Greiner manne ii sáhte dan maid bargat Norggas ja Rørosas gos ledje sámiid guossis.
Beate Juliussen lea sámi mátkeealáhusa prošeaktajođiheaddji ja Origo seniorráđđeaddi, son dadjá ahte sámi mátkeealáhusfitnodagat livčče sáhttán fállát seammalágan mátkepáhkaid go dan maid Disney bargá, jus disney livčče jearran sis dákkár páhkaid.
Beate Juliussen dadjá ahte sis ii leat leamaš gulahallan Disney fitnodagain ii ge innovašuvdna Norggain ge, son dadjá maid ahte sii livčče galgan leat gergosat, muhto ahte sii eai dađibahabut lean dan.
Muhto Beate Juliussen dadjá ahte son jáhkká ahte boahtteáiggis gal sámi mátkeealáhusfitnodagat nagodit fállát mátkepáhkaid, ja sii barget ahte sámi fitnodagat galget nagodit fállát dákkár mátkiid.