NRK Meny

Diggi álgá loahpageahčen njukčamánu

Diggi dan guovtti boazoeaiggáda vuosttá geaid Økokrim lea áššáskuhttán álgá loahpageahčen njukčamánu. Goappašagaid diggi bistá guokte vahkku. Soai leaba áššáskuhtton go galgaba leat rievdadan eará olbmuid bohccomearkkaid, ja goddán ja hávváduhttán bohccuid dakkár rusttegin mii galggašii sulastahttit boraspire goddimiid. Dáid dihte galgaba leat ožžon stuorát boraspirebuhtadusaid. Vuosttašstáda advokáhta, Tarjei Istad lohka ollu duođaštusaid sivvan go diggi bistá dien meare guhka. Dasa lassin leat ollu vihtanat gohččoduvvon diggái.