NRK Meny

Digáštalle Stuorgietti skuvladili

Divttasvuona suohkanstivrras digáštalle otne Stuorgietti nuoraidskuvlla, mii lea gaskaboddosaččat heaittihuvvon. Sátnejođiheaddji válljii giddet otná čoahkkima go digáštalle dan dili mii lea čuožžilan, maŋŋel go suohkan heaittihii gaskaboddosaččat oahpahusa nuoraidskuvllaohppiide. Sii šaddet dál mátkkoštit diimmu Ájluovtta skuvlii ja váhnemat eai leat dan dohkkehan ja addán baicca ruovttuoahpahusa nuoraide. Oktasašlistti Ann-Aashild Hansen mielas ii livčče dárbu giddet čoahkkima.