Badjelaš 20 jahkásaš dievdu gártái biilla vuollái go son lei lonuheamen deahkaid guorbmebiillas. Dát dáhpáhuvai Fuoiskkus, Nordlánddas. Dievdu ii leat bahuid roasmmehuvvan, su dilli lea stáđis. Dievdu galgá goitge leat buohcciviesus dán ija, dan dieđiha Nordlándda buohcciviessu. Bargobearráigeahčču lea maid ožžon dieđu dáhpáhusa birra.
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.