NRK Meny

Dievdu biddjon háldogiddagassii

Dievdu gii ikte njorrii bensiinna Čáhcesullo politiijastašuvnna vuostáiváldimii, ja gii áittii cahkkehit, lea dál Nuorta-Finnmárkku diggegottis biddjon háldogiddagassii njealji vahkkui. Dan čállá Finnmárkku politiijaguovddáš preassadieđáhusastis. Dievdu lea miehtan biddjot háldogiddagassii ja lea maiddái mieđihan vearredagu.