Dárkkistan 140 stuorra fievrru
Go stáhta geaidnobearráigeahčču mannan vahkus dárkkistii lagabui 140 busse ja guorbmebiilla, de gávdne dakkár váilliid, mat leat johtolahkii váralaččat. Earet eará váillui muhtin bussevuoddjis gáibiduvvon fidno-gelbbolašvuohta fievrridit olbmuid bussiin, ja muhtin guorbmebiillas ledje golbma tonna geađggit, mat eai lean sihkkaraston. Stáhta geaidnobearráigeahču ossodatjođiheaddji Jon Erling Varsi lohká ahte lea dehálaš dávjjit dárkkistit dánlágan fievrruid.