Hopp til innhold

Dálá guovžabivdu boktá muittuid

Guoktenuppelot jagi leat gollan das rájes go son guovžžain deaivvadii. Dál go guovžža fas leat báhčán Kárášjogas, de Klemet Ole Boine fas muittuhuvvui dáhpáhusas maid ieš vásihii. Dál easka nagada das hállát.

Klemet Ole Boine

Klemet Ole Boine govain mii lea váldon 2000:s

Foto: Marit Sofie Holmestrand / NRK

Ášši doaimmaha Marit Sofie Holmestrand

Muitigođii iežas vásáhusa

Dál go son gulai ahte Kárášjogas leat guovžža báhčán, na de badjenedje sutnje muittut das mo dalle geavai go son 12 jagi áigi bážii guovžža. Son fertii báhčit go guovža lei dasttán su maŋábealde. Álggos son fađustii guovžža njunnái bissuuin, muhto go oinnii dat álggui fallehit, de gal fertii báhčit.

Klemet Ole Boine guovžžain

Klemet Ole Boine guovžžain jagi 2000:s

Foto: Marit Sofie Holmestrand / NRK

Báhčinlohpii ii gal lean

Klemet Ole Boine muitala iežas lean sakka suorgan dalle, go maŋŋá dien dáhpáhusa de fertii ohcat veahkki doaktáris. Nahkárat vátno, illá sáhtii nohkkat, jurdat ledje beare dáhpáhusas. Jurdagat jorre dušše das ahte mo duođai livččii sáhttán geavvat jos sus ii livčče lean bissu mielde.

Doavttir dahtui su konjavtta válddestit juohke eahkeda, muhto dien rávvaga son gal ii čuvvon. Baicce jearai earalagan dálkasa, vai fitnii nahkáriid.

Fertii fas mannat meahccái

Boine muitala iežas ferten fas mannat meahccái, vaikke guovžadáhpáhus balddihii, muhto son fertii mannat ammas áibbas ballagoahtit vánddardeamis meahccis.

Korte nyheter

  • Dovddasteigge áššálažžan Deanu Áššis

    Guktot áššáskuhtton olbmo dovddasteigga áššálažžan buot sivahallamiidda Deanu gieldda njihtan áššis, go diggi odne álggii sudno vuostá Østre Innlandet diggegottis.

    Deanu gieldda ovddeš IT- jođiheaddji ja okta fitnodateaiggát Hamaris leaba áššáskuhtton roavva korrupšuvnna ja roavva ekonomalaš verrošeami ovddas. Go leaba ovcci jagi badjel
    njihtan Deanu gielddas 21 miljovnna ruvnno.

    Rettssak Hamar. En tidligere IT-sjef i Tana kommune og en bedriftseier fra Hamar er tiltalt for grov korrupsjon og grov økonomisk utroskap.
    Foto: Lars Erik Skrefsrud / NRK
  • DNB lokte stohpoloatnareanttu

    Norgga stuorámus báŋku DNB lokte stohpoloatnareanttu, čállá E24 ođas doaimmahat

    Maŋŋá go Norgga báŋku geasemanu 23. beaivve mearridii loktet reanttu, de loktá maiddái DNB stohpoloatnareanttu bealleproseantta čuoggáin, muitala DNB gávpemárkanhoavda Ingjerd Blekeli Spiten.

    DNB stohpoloatnakundarat ožžot dieđu neahttabáŋkku dahje reivve bokte dán birra. Ođđastohpoloanaid ektui, goargŋu reanttu jo suoidnemáno 1. beaivi rájes, ja sis geain lea jo stohpoloatna DNB báŋkkus, sis goargŋu reanttu borgemánu 10 .beaivve rájes.

    Nordea lei vuosttaš báŋku mii loktii reanttu maŋŋá Norgga báŋkku almmuhii reantogoarguma.

    Boliglån
    Foto: Martin Kierstein, Colourbox, Foto: Colourbox
  • Jon (54) ja Kåre (60) jámiiga

    Lei 54 jahkásaš Jon Erik Isachsen ja 60 jahkásaš Kåre Arvid Hesvik guhte jámiiga báhčaleamis Oslo guovddážis lávvardat čuovganeapmái. 21 olbmo roasmmohuvve, logis sis duođalaččat roasmmohuvvan.

    Prideflagg og -krans etter skytinga i Oslo natt til 25. juni 2022
    Foto: Lena Andreassen