– Imaš go atomáigge ain galggašii dárbbašit guvrát lubmedettiin. Lubmedettiin ii dárbbaš guvrát, oaivvilda Kalevi Remes
Ođđa hutkkus gohčoduvvo suomagillii hillapoimuri, ja sámegillii dát mearkkaša njulgestaga luomečoaggi.
Lubmen leage muhtin olbmuid mielas lossat, go šaddá álo nu olu guvrát. Dát čuohcá erenoamážit čielgái.
Remes navdá iežas hutkusa stuorra ávkin lubmejeaddjiide.
– Dát lubmenneavvu doaibmá bures dakkár jekkiin, gos luopmánat leat duoppet dáppe, čilge Remes.
Luomečoaggihutkkus lea registrerejuvvon Suomas.
– Dát doaibmá bures. Ja jos muhtin vel buorebu hutká, dat livččii erenoamáš buorre! Ii sáhte leat dađi gummát šat, jos duon vel buorida, dadjá Kalevi Remes.
– Luomečoaggái eai čoggo dađi eanet ruskkat go dalle go gieđaiguin čoaggá, muitala hutkás suopmelaš.
Dál lea ráhkaduvvon video, mii lea biddjon YouTubei. Das oaidná Luomečoaggi prototiippa.