Daan biejjien minngemes åarjelsaemien radiosaadtegistie «Åarjel Faaroe» seedtin
Suehpeden 23b. minngemes åarjelsaemien radiosaadtegistie «Åarjel Faaroe» seedtin.
– Dïhte lij vielie emosjovnelle goh manne ussjedim. Naa luste, bene hijven domtoes minngemes saadtegem seedteme.
Naemhtie akte programmeåejvie Åarjel Faaroesne Maja Sofie Kristina Fjellström Bourre beaivi Sápmesne jeehti.
Dïhte eajhkaldehti man håjnoes dïhte daenbiejjien sjidti.
– Leam dejnie medtie tjïjhtje jaepieh barkeme. Dïhte akte stoerre boelhke mov jielemisnie orreme.
Daelie NRK Sápmi akte orre programme åarjelsaemiengïelesne åtna, podkasten man nomme Hævvi. Dïhte aaj edtjien radiosne årrodh.
– Åarjel Faaroe akte buerie jïh vijhkeles boelhke mijjen åarjelsaemien nuepine orreme, saernieredaktööre NRK Sápmesne Jan Roger Østby jeahta. Dïhte hååhkesje vielie åarjelsaemieh sæjhta orre programmen govlen:
– Mijjieh sijhtebe vielie åarjelsaemien sisvege needtesne darjodh.