Sámi parlamentaralaš njunnošat leat dál njuolga váikkuheamen Euro parlamentta ja sierra stáhtaid njunnošiidda Brusselis
Sápmi Summit-čoahkkima oktavuođas geigejuvvui Suoma stáhtaministarii ávžžuhus, mas Sámi parlamentáralaš ráđi njunnošat bivdet heaittihit riikkaidgaskasaš olmmošriektesoahpamušaid loavkašuhttimiid golmma riikkas, čállá Yle sápmi.
Sámi allaskuvllas lea ovttasbargu Dáiddadáluin sámi dáidaga ja dáiddaakademiija ovdánahttimis.
Dán olis de lea Diehtosiiddas Guovdageainnus seminára njukčamánu 28. beaivve dán hárrái masa bovdejit berošteddjiid searvat.
Dáiddadálu vuođđudeaddji ja dáiddafágalaš jođiheaddji Máret Ánne Sara lea ilus go dál váldet dán lávkki.
- Dáinna mii ovdánahttit iežamet ja obbalaččat sámi dáiddafágasuorggi, jurddaša Sara.
Sámi Allaskuvlla duodjeprofessor Gunvor Guttorm jáhkká ahte ovttasbargu Dáiddadáluin sáhttá ovdánahttit, hástit ságastallamiid ja ovttasbargguid.
Otne almmuha Norgga ráđđehus stuorradiggedieđáhusa sámegielas, -kultuvrras ja -servodagas. Váldo áigumuššan dainna lea sihkkarastit sámi mánáide buoret sámegiel oahpahusa ja doarvái sámegieloahpaheddjiid.
Dieđáhusas boahtá maid ovdan vánhemiid rahčamuš mánáideaset sámegiela oahpahusa oažžut ja olu sámi mánát eai oažžuge sámegillii ja sámegiela oahpahusa vaikko sis lea dasa vuoigatvuohta.
Romssa sámevánhemiid fierpmádaga jođiheaddji Lill Tove Fredriksen dadjá ahte lea buorre go dákkár dieđáhus dál boahtá.
Dás gulat eambbo.
