NRK Meny
Normal

Buvttadit iežaset musihka

Guovdageainnu kulturskuvla lea okta moatti kulturskuvllas, mii eaiggáduššá albma musihkkastudio. Dán studio geavahit viššálit, ja dás leat juo lávlun ja buvttadan cd`.

Guovdageainnu kulturskuvla
Foto: Privat

Artikkelen er flere år gammel.

Guovdageainnu Kulturskuvlla jođiheaddji Ann-Mari Andersen lea hui rámis kulturskuvlla ođđa cd dihtii, danne go dán leat ráhkadan kulturskuvlla jietnastudios. Ja dakkáraš jietnastudio ii dáidde galli eará kulturskuvllas leat.

Seasttinbáŋkku kulturfoanddas fidnii ruđa

Kulturskuvllas besset nuorat atnit studio áibbas nuvtta. Musihkkastudio-ásahemiin leat sii ollu bargan, ja leat maid fidnen dasa ruhtadeami. Seastinbáŋkkuid kulturfoanda dat lea addán 100.000 ruvnno musihkkastudioi, ja dasa lassin adde vel logenáre dihtoršearpma.

Ohppit oahpahuvvojit studiobargui

Maiddái boarraseamos kulturskuvlla geavaheaddjit galget oahpahuvvot studiobargui. Rusttegat leat divrasat, iige sáhte vaikko gean luoitit stoahkat studio rusttegiiguin.


Olu ruovttuin leat varra báddenvejolašvuođat, muhto sis kulturskuvllas, leat proffa rusttegat maiguin sahtá buvttádit cd:d main lea seamma dássi go gosttege eará musihkkabáddenstudiuin.

Dál lea sis leamaš koarra studios, go kulturskuvla ráhkada iežas cd. Vaikko šattáige gárži studios, de lei hui somá. Dál lea dušše smávva divodeamit vel báhcan, ovdalgo cd lea áibba gárvvis.

Rámis kulturskuvlla musihkkastudiuin

Guovdageainnu kulturskuvla

Guovdageainnu kulturskuvla

Foto: Privat

Ann-Mari Andersen muitala Guovdageainnu kulturskuvlla ja iežas leat rámis, go sis lea dákkáraš musihkkabuvttadanvejolašvuohta. Son fuopmášáhttá vel ahte dán studioi besset buohkat vuollel 18 jagi boahttit iežaset musihkkáin.