Brokkoli MT joavku lea Kárášjogas riegádan. Joavkkus čuojahit njeallje nieidda Elle Maija K. Bær (16), Ingenlin Eriksen (snart 17), Ragnhild Hellesøy (snart 17) ja Helle E. Nystad (18).
Sii álge čuojahit fárrolaga moadde mánu áigi ja das rájes leat sii čuojahan eanas cover lávlagiid. Muhto Riddu Násttit gilvui leat sii ráhkadan iežaset vuosttaš šuoŋa man namma lea “Livččet go?”. Dat lea ge rock lávlla, go dan dat nieiddat liikojit čuojahit.
Gula: Go
joavkkus muitala ákkaid manne guldaleaddjit galget sin jienastit.Mannan dálvvi leat sii čuojahan iešguđetge báikkiin Kárášjogas. Sii háliidit ge ovddidit sámi identitehta ja dan dihte leat sis álo biktasat mat čujuhit sámivuhtii go čuojahit.
Lávlla maid leat ráhkadan Riddu Násttit gilvui lea dan birra ahte olmmoš ferte duosttaš leat ieš, ja ahte jus olmmoš ii duostá čájehit oasi alddis de ii sáhte máilbmi oaidnit dan erenoamašvuođa!
Nieiddat lohket ge ahte dat lávlla lea dušše álgu: das duohko galget gullot eambbo ja eambbo Brokkoli MT lávlagat miehtá sámi!