NRK Meny

Boranávdebuhtadusat

Lea veadjemeahttun ahte boranávddit goddet nu ollu bohccuid Finnmárkkus go badjeolbmot oaivvildit. Nu dadjá dutki John Odden, gii lea čuvvon albasiid ja getkkiid fargga čieža jagi.
NRK lea guorahallan man ollu bohccuid ovddes fylkka badjeolbmot leat ohcan buhtadusa viđa jagi áigodagas 2008:s 2012 rádjái.
Ja dát čájehit ahte sii leat ohcan 250.000 bohcco ovddas, muhto dušše badjelaš 50.000 ovddas leat ožžon mávssu.