Hopp til innhold

Máilmmi boarraseamos olmmoš lea jápmán

Bolivia álbmotregistara mielde Carmelo Flores Laura lei 123-jagi boaris go son ikte jámii. Jápmima birra muitalii Cecilio Flores, su áidna mánná gii ain lea eallimin.

Evo Morales ja Carmelo Flores

Bolivia presideanta Evo Morales lei boahtán deaivvadit Carmelo Floresii diibmá čavččat Andi-várrai.

Foto: Juan Karita / AP

Aymára-indiána guhkes eallima duohken ledje dearvvaslaš eallindábit. Son lávii vázzit olu ja borrat dearvvaslaččat. Son ii goassege borran pástta iige riseniid, muhto baicca bivggi.

Son suoskkai olles iežas eallinagi kokamiesttalasttaid, maid lea lohpi šaddadit ja geavahit olu guovlluin Mátta-Amerihkás.

Eamiolbmot jáhkke ahte kokalasttat buoridit ja dálkkas buohcceolbmuide ja dan lei hui dábálaš geavahit sin gaskkas. Maiddai Bolivia presideanta Evo Morales lea aymára-indiána ja lea ovddeš kokamiesttašaddadeaddji.

Maŋimuš áigge de ii nagodan máilmmi boarraseamos olmmoš šat vázzit, juolggit ledje heajut. Boaresvuohta dagahii ahte Carmelo ii šat nagodan čuoččut go juolggit ledje visot bohtanan, Doaktárat leat muitalan ahte diabetes dahje sohkardávda dáidá leat okta sivain go ii šat nagodan lihkadit.


Dát eallilan indiána orui agibeaivve Andi-váriin Frasquia-gilis badjel njeallje kilomehtera allodagas Titicaca-jávrre gáttis. Media lea čállán su leamen máilmmi boarráseamos olmmožin.

Galdut: Telegraph, news.com.au

Publisert Oppdatert
Del på Facebook Del på Facebook Del på Twitter Del på Twitter Del på epost Del på epost

Mer fra NRK Sápmi

Korte nyheter

  • Spesialenheten i politiet

    Spesialenheten etterforsker skytehendelsen i Vardø

    – Spesialenheten er varslet om at en person er skutt i beinet av politiet i Vardø. Spesialenheten har besluttet å iverksette etterforsking, og våre etterforskere er på vei til Vardø. Det skriver Spesialenheten for politisaker i en pressemelding. Formålet er å få belyst hendelsesforløpet. De skriver videre at enheten alltid etterforsker saker der en person blir alvorlig skadet som følge av politiets tjenesteutførelse, uavhengig av om det er mistanke om det har skjedd noe straffbart.

  • Ođđasat - Davvisámegillii

    Jåma Futures-prográmmas

    Lullisámi govvejeaddji, govvajournalista ja duojár Naina Helén Jåma, Snoasas eret, lea válljejuvvon dán jagi Europa govvafierpmádaga Futures-prográmmii.

    Son lea okta sullii 100 govvejeaddjis, geat ožžot vejolašvuođa dán prográmma bokte ovddidit iežaset prošeavttaid, viiddidit iežaset oktavuođaid govvaámmátolbmuiguin miehtá máilmmi, leahkit mielde čájáhusain, vuovdalit iežaset dán govvafierpmádaga lávddis ja maiddái beassat leahkit mielde oktasaš čájáhusain Ungára oaivegávpogis Budapestas.

    Dán muitala SR Sámerádioi.

    Jåma govat leat geavahuvvon nu go The New York Timesas, The Guardianas, Aftonbladetis ja VG-áviissas.

    – Somá go mu barggut ná čalmmustahttojit ja rámiduvvojit, lohká Jåma.

  • Ođđasat - Davvisámegillii

    Gb riikkačoahkkin ii dáhtton gieđahallat Fovsen-ášši

    Guovddášbellodaga (Gb) mannan vahkkoloahpa riikkačoahkkin Troanddimis ii háliidan gieđahallat Fovsen-ášši, vaikko máŋga sápmelaš áirasa ovddidedje ášši váldodigaštallamis (generaldebattenis).

    Earret eará Gb sámediggejoavkku parlamentáralaš jođiheaddji Elisabeth Erke, stáhtačálli Nancy Porsanger Anti ja Lill-Therese Holm Varsi dolle sáhkavuoru Fovsen-áššis.

    – Jáhkán min njunušpolitihkkáriin lea váttis áddet dán ášši ja manne dat lea nu dehálaš sápmelaččaide, oaivvilda Erke.

    Eanadoallo- ja biebmoministtar Sandra Borch dadjá dán:

    – Mis (ráđđehusas) lea olu oahppat Fovsen-ášši gieđahallamis. Dát lea váttis ášši. Dál fertet geahččat ovddos guvlui ja mo mii ovttasráđiid boazodoaluin buoremusat sáhtášeimmet čoavdit dán ášši, dadjá Borch.

    Trygve Magnus Slagsvold Vedum på Sps landsmøte
    Foto: Dan Robert Larsen / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen