Hopp til innhold

Bivdit gárgidan biebmoluosaid

Divttasvuonas Nordlánddas lea Nordlándda fylkkamánni dohkehan ahte olbmot besset bivdit gárágidan biebmoluosaid siskkobealde Boavvá ja Skárffabákte (Bognes -Skarberget). Dan dieđiha Nordlándda fylkkamánni seniorráđđeaddi, Lars Sæther. Lea beannot vahku áigi go goddigohte vuosttaš biebmoluosaid dien guovllus, čállá Sæther. Almmolaš bivdolohpi bistá gitta njukčamánu 10.beaivvi rádjai, dainna gežžiidemin ahte johkanlámis ii leat lohpi bivdit, dadjá Sæther.

Fylkkamánni ávžžuha bivdiid luossa bidjat jiekŋalatnjii vai sii besset luosas váldit čuopmaiskosiid.

Korte nyheter

  • Háliida oahppat eambbo sámi álbmoga dearvvašvuođabálvalusaid birra

    Rukses bellodaga dearvvašvuođa ja fuolahuslávdegotti lahttu ráđđehusas, Seher Aydar galledii Kárášjoga otne. Son lei Kárášjogas sámi klinihkas ja deaivvadii sámi doavtterservviin maid. Seher Aydar háliida oahppat eambbo sámi álbmoga dearvvašvuođabálvalusaid birra ja makkár dárbbut leat sámi álbmogis dearvvašvuođa hárrái. Son áigu de jearrat Stuoradikkis movt sáhttet sii buoridit sámi álbmoga dearvvašvuođabálvalusaid.

    Seher Aydar dadjá ahte álgoálbmogis galget leat seamma rievttit dearvvašvuođabálvalusas go dan maid earáin lea. Son oaidná ahte sus ja sis geat barget politihkain stuorradikkis, lea beare unnán diehtu sámi álbmoga birra, muhto maiddái ahte sámi álbmot ii oaččo dearvvašvuođarivttiid maidda sis lea riekti. Aydar dadjá ahte de lea sin ovddasvástádus oahppat dan birra ja maiddái fállát seammaárvosaš dearvvašvuođafálaldaga sámiide:

    Seher Aydar stortingsrepresentant for Rødt
    Foto: Mathias Moene Rød / NRK
  • Romssa ja Finnmárkku stáhtahálddašeaddji fuolastuvvon

    Romssa ja Finnmárkku stáhtahálddašeaddji lea fuolastuvvon oahpaheddjiid bargoheaitaga konsekveanssaide, čállá NTB. Okta áššiin maid loktejit lea ahte muhtin oahppit leat massán fálaldaga erenomášoahpahussii.

    – Eat áiggu maide oaivvildit bargoheaitaga birra, muhto mii oaidnit ahte lea dárbu jienádit nuoraid ja mánáid ovddas. Konsekveanssat bargoheaitagis mii bođii maŋŋel guovtti koronajagiin dovdo buot nuorain ja mánáin geat leat skuvlafálaldaga haga, dadjá stáhtahálddašeaddji Elisabeth Vik Aspaker.

    Buot stáhtahálddašeaddjit galge ovdal dii 12 odne buktit raporta Oahpahusdirektoráhtii mas bargoheaitaga váikkuhusat bohtet ovdan.