NRK Meny
Normal

Bivdá mánáid searvat mánáidteáhterii

Márkomeannu bivdá mánáid searvat mánáidteáhterii

Márkomeannu
Foto: Preassagovva (www.markomeannu.no)

Ellen Berit Dalbakk

Márkomeannu produseanta Ellen Berit Dalbakk.

Foto: Sigve Nedredal / NRK

Dát teáhteroahpahallan bistá bealgoalmmát (2,5) vahkku, muitala Márkomeannu produseanta Ellen Berit Dalbakk.

Mánáide ja nuoraide

Dalbakk ávžžuha mánáid ja nuoraid gaskal 8 ja 14 jagi searvat teáhterkursii. Dása ii dárbbaš ovdagihtii dieđihit, mánát ja nuorat sáhtte dušše boahttit Loabátáiddi gilivissui geassemánu 24. beaivvi.

Dát teáhter kursa bistá bealgoalmmát vahkku. Suoidnemánu 9.beaivvi lea čájáhus Gállogiettis Evenáššis.

Ovttasbargu

Dát lea ovttasbargu gaskal Várdobáikki sámi guovddáža ja Márkomeannu. Ellen Berit Dalbakk muitala ahte teáhterčájáhus lea sámegillii.