NRK Meny

Bismmat ja homofiila náitaleapmi

Dal leat seamma ollu bismmat Norggas geat dorjot homofiila náitalemiid, go geat vuostálastet dan. Golmma jagi áigi lei vuostálasti bealli arvat stuorát. Maŋŋel go Olav Øygard nammaduvvui Davvi Hålogalándda bisman ikte, de leat guhtta bisma geat náittáše homofiila báraid girkus ja guhtta bisma geat vuosttildit dan.

Dán jagi soabai Girkočoahkkin ahte báhpat ožžot buressivdnidit homofiila báraid geat leat borgárlaččat náitalan.