Biilalihkohisvuohta Idjajávrris

Buot heahtebálvalusat vuoddjájedje Idjajávrái mii lea guokte miilla davábealde Kárášjoga, go diehtu bođii ahte biila oktan viessovovnnain lei čiđistan eret geainnus. Nu dieđihii Finnmárkku politiija guovlu odne 6 áigge iđđes.
-Finnmárkku politiijaguovllu operašuvnna jođiheaddji Henning Robertsen lohká ahte almmái- ja nissonolmmoš eaba leat nu garrasit roasmmohuvvon, ja galgaba iskkadeapmái Hámmárfeasta buohccivissui. Nu čállá iFinnmark neahttaáviisa.