NRK Meny

Biepmoluossaealáhusa oláhusjahki

2014 šaddá biepmoluossa-ealáhusa oláhusjahkin, tietnasa ektui. Nu lohká Nordea-báŋkku márkanossodaga biepmoluossa-guorahalli, Kolbjørn Giskeødegård. Son rehkenasttá ahte Norgga biepmoluossafitnodagat leat luosa vuovdán olgoriikii 43 milljárdda kruvnno ovddas. Dat lea njeallje milljárdda eambbo go diibmá. Ja biepmoluossahattit bohtet ain vel goargŋut maŋŋá jahkemolssašumi, jáhkkimis sullii logi proseanttain, lohká Giskeødegård. Biepmoluossafitnodaga eaiggát, Aksel Olsen, duođašta ahte 2014 šaddá oláhusjahkin maiddái su fitnodagas.