Beassat plastihkkanuoskkideames

Oslo gielda virgáda dál olbmo gean bargun lea bissehit plastihkkanuoskkideami gávpogis, čállá Nettavisen. Bargi galgá maiddái hutkat vugiid mo atnit unnit plastihka. Oslo gielda lea válljejuvvon leat Eurohpa birasoaivegávpogin boahtte jagi. Danne galget sii leat njunnožis bisseheamen plastihkkanuoskkideami, dadjá biras- ja johtolatgávpotráđđi Lan Marie Nguyen Berg.