NRK Meny
Normal

Beassá girdit Oulus Romsii

Girdin Oulus Davvi-Suomas Romsii Davvi-Norgii ádjána unnit go beannot diimmu.

Tromsø Lufthavn

OĐĐA GIRDIRUVTTO: Arctic Airlink fitnodat álggaha otne mánnodaga ođđa girdinvuoru Oulus Luleju bokte Romsii.

Foto: Gaute Bruvik/Avinor

Dan čállá yle.fi iežaset neahttasiidduin.

Arctic Airlink-fitnodat álggaha otne mánnodaga ođđa girdinvuoru Oulus Davvi-Suomas Luleju bokte Davvi-Ruoŧas Romsii Norggabeallái. Girdivuoru leat ávvudan Oulunsalo, Luleju ja Romssa girdigittiin.

Girdin Oulus Davvi-Suomas Romsii Davvi-Norgii ádjána sullii beannot diimma. Earet eará fitnodatolbmuide lea ođđa vuorru Oulus Romsii buorre ođas.

– Ođđa girdivuorru seastá vihtta diimmu mátkkis Oulus Romsii. Dát lea investeren, mii boahtá ruovttoluotta vearromáksiid burssaide, jáhkká Kymppi Group oasussearvvi vuovdinhoavda Janne Koskelainen.

Oulu gávpot, Norrbottena eanadiggi ja Romssa guovlluhálddahus leat lohpidan girdinvurrui ruhtadeami viđa jahkái. Ođđa girdinvuoruin háliidit earret eará lasihit golmma riikka ealáhuseallima ja allaskuvllaid ja dutkanlágádusaid ovttasbarggu.

Finnair girdá juobe golbmii Helssegis Romsii ođđajagimánus njukčamánu lohppii.