Hopp til innhold

Korte nyheter

  • NRK Sámi taleanttaid vuosttaš bargobeaivi

    NRK Sámi taleantaprogramma čađahuvvo goalmmát geardde, ja odne lei dán jagaš taleanttaid vuosttaš bargobeaivi. Sii galget borgemánus geassemánnui oahpahallat ja ovdánit journalistan ja muitaleaddjin.

    Dán jagáš taleanttain leat girjás duogážat. Sii leat gaskal 18 ja 22 jagi, ja joavkun lea sis geográfalaš viidodat ja gielalaš valljivuohta.

    Oahpásnuva siiguin otná Geassesáddagis.

  • Álbmotoláhus Arendalvahkkus

    Otne mihtiduvvui ahte 30 000 olbmot fitne Arendalvahkku doaluin, mii lea ođđa oláhus. Dán duođaštit sihkkarvuođahálddášeaddjit. Gussiid telefuvnnat lohkkojuvvojit ja nie čájehit gallis leat fitnán doaluin.

    Arendalsuka
    Foto: Svein Sundsdal / NRK
  • Heaitá bellodatjođiheaddjin 

    Ruonábellodaga jođiheaddji Une Bastholm geassáda doaimmas. Nubbi jođiheaddji Arild Hermstad doaibmagoahtá jođiheaddjin boahtte vuossárgga rájes. Bastholm muitalii preassakonferánssas son geassáda jođiheaddjin persovnnalaš sivaid geažil. Sus lea guokte mánáidgárdde mánát, ja son háliida eanet áiggi sudnuide bidjat, go bellodatjođiheaddjidoaibma lea hui gáibideaddji sihke návccaid ja áiggi dáfus.