NRK Meny
Normal

Olmmošvuoigatvuođa guovddáš berre bargagoahtit álgoálbmot áššiiguin

Ođđa našunála olmmošvuoigatvuođa guovddáš maid Stuorradikki presideanta lea árvalan ásahit, berre bargat maiddái álgoálbmot áššiiguin, oaivvilda Gáldu direktevra.

Laila Susanne Vars

Gáldu álgoálbmotvuoigatvuođaid gelbbolašvuođaguovddáža direktevra, Laila Susanne Vars.

Foto: Liv Inger Somby / NRK

Dát olmmošvuoigatvuođa institušuvdna berre oažžut gelbbolašvuođa bargat maiddái álgoálbmot áššiiguin. Dan oaivvilda Gáldu direktevrra, Laila Susanne Vars. Sin mielaš livččii lunddolaš čatnat Gáldu dán bargui.

Stortingspresident Olemic Thommessen

Stuorradiggepresideanta, Olemic Thommessen.

Foto: Larsen, Håkon Mosvold / NTB scanpix

Stuorradiggepresideantta árvalan

Stuorradiggepresideanta Olemic Thommessen, dat lea árvalan ásahit ođđa našunála olmmošvuoigatvuođa guovddáža, ja čatnat dán Stuorradikki vuollásaš institušuvdnan.

Čáđahii rabas gulaskuddančoahkkima

Ikte čađahiige Stuorradikki jođihangoddi rabas gulaskuddančoahkkima gos maiddá Gáldu ovddasteaddjit oassálaste. Vars lea virgelobis, danin ii lean son mielde dán čoahkkimis.

Muhto Gáldu doaibmi direktevrra Risten Turi Aleksandersen, gal lea duhtavaš deaivvademiin.

  • Guldal ášši:
    :Sámit dáhttot leat mielde Stuorradikki ođđa ásahusas