Dát olmmošvuoigatvuođa institušuvdna berre oažžut gelbbolašvuođa bargat maiddái álgoálbmot áššiiguin. Dan oaivvilda Gáldu direktevrra, Laila Susanne Vars. Sin mielaš livččii lunddolaš čatnat Gáldu dán bargui.
Stuorradiggepresideantta árvalan
Stuorradiggepresideanta Olemic Thommessen, dat lea árvalan ásahit ođđa našunála olmmošvuoigatvuođa guovddáža, ja čatnat dán Stuorradikki vuollásaš institušuvdnan.
Čáđahii rabas gulaskuddančoahkkima
Ikte čađahiige Stuorradikki jođihangoddi rabas gulaskuddančoahkkima gos maiddá Gáldu ovddasteaddjit oassálaste. Vars lea virgelobis, danin ii lean son mielde dán čoahkkimis.
Muhto Gáldu doaibmi direktevrra Risten Turi Aleksandersen, gal lea duhtavaš deaivvademiin.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.