Balto faskii medálja sierralágan vuodjansurggiin – fas JVG-meašttirin
Kárášjoga vuojadansearvi vuoddji Sandra Maria Balto (15) vuittii iežas njealját golli Jahkeluohkáid vuodjangilvvuin (JVG), mat lágiduvvojedje Nadderudas Bæruma gielddas dán jagi. Dáin gilvvuin vuoddjit gilvalit earáiguin, geat leat riegádan seamma jagi. Dá lea goalmmát geardi go Balto šaddá JVG-meašttirin. Dan čállá Kárášjoga vuodjansearvi sosiála mediain. Balto gilvalii viđa sierralágan vuodjansuorggis, ja vuittii njeallje golli ja ovtta silbba. Dá ledje Balto maŋimuš gilvvut Kárášjoga vuodjansearvvi ovddas, ovdalgo gilvališgoahtá Bærumsvømmerne ovddas, čállá Kárášjoga vuodjansearvi.