NRK Meny

Bážii ránnjá stámppa

Badjelaš 50-jahkásaš dievdu lea ožžon logi duhát ruvdnosaš sáhku, go ealgabivddus dagahii dárbbašmeahttumit váralašvuođa. Dan čállá áviisa Nordland. Dievdu lei diibmá čakčamánus ealgabivddus Hábmeris, Nordlánddas, go ii deaivan ealgga go bážii, muhto deaivvai baicca ránnjá duoldilávgostámppa, ja dan son geavahii maid gardnjildoarjjan. Jus dievdu ii mávsseš sáhku, de ferte son čohkkát giddagasas 20 beaivvi.